onlain sesxebi - ყველა

როგორ გაჩნდნენ ფეხბურთში ყვითელი და წითელი ბარათები

როგორ გაჩნდნენ ფეხბურთში ყვითელი და წითელი ბარათები

თუ რეფერი გადაწყვეტს მოთამაშის გაფრთხილებას, ის ყვითელ ბარათს აჩვენებს. თუ მოთამაშე ზედმეტად უხეშად ითამაშებს, მაშინ მას წითელი ბარატი ერგება და მოედანსაც დატოვებს. ორი ყვითელი ბარათი, ავტომატურად ნიშნავს ერთ წითელ ბარათს. ეს ყოველმა გულშემატკივარმა იცის. თუმცა ეს ბარათები თამაშში დაახლოებით 50 წლის წინ გამოჩნდა. მანამდე რეფერები ფეხბურთელებს სიტყვით აგდებდნენ მოედნიდან, რაც ხშირად კურიოზებს იწვევდა.

მაგალითად, 1966 წლის მსოფლიო ჩემპიონატზე მეოთხედფინალში შეხვდნენ არგენტინისა და ინგლისის გუნდები. მსაჯი იყო გერმანელი, რომელმაც არც ერთი სხვა ენა არ იცოდა, გარდა საკუთარი გერმანულისა. თამაში ძალიან უხეშად მიდიოდა და როდესაც მსაჯმა გადაწყვიტა არგენტინელების კაპიტანი მოედნიდან გაეძევებინა, მან ისეტი სახე მიირო, თითქოს არ ესმოდა მსაჯის.

დახმარება ინგლისელ მსაჯს სთხოვეს, რომელმაც ფეხბურთელი ძლივს დაარწმუნა, რომ მოედნიდან გასულიყო. თავად ბრიტანელი მსაჯი კენ ასტონი კი დაფიქრდა იმაზე, რომ ცუდი არ იქნებოდა ასეთი შემთხვევებისათვის რაიმე აქსესუარის შემოტანა ფეხბურთში, რომლითაც მსაჯი ანიშნებდა ფეხბურთელს დარღვევის შესახებ.

ცოტა ხანში ასტონი მანქანით მგზავრობისას, შუქნიშანს მიადგა და გენიალური იდეა მოუვიდა: რატომ არ შეიძლებოდა ყვითელი და წითელი ბარათების გამოყენება? ყვითელი გამაფრთხილებელი იქნებოდა, წითელი კი გამაძევებელი. ფეხბურთის ჩინოვნიკებმა გაითვალისწინეს ასტონის იდეა და 1970 წელს პირველად მექსიკაში ჩატარებულ ჩემპიონატში გამოიყენეს ყვითელი და წითელი ბარათები.

პირველად ყვითელი ბარათი გამოიყენეს უკვე გახსნით მატჩში, როდესაც სსრკ-ს გუნდი მასპინძელ მექსიკელებს ეთამაშებოდა. ხოლო საბჭოთა გუნდის ერთ-ერთი ფეხბურთელი კახი ასათიანი ისტორიაში შევიდა, როგორც პირველი ადამიანი, რომელმაც ყვითელი ბარტი მიიღო.

როგორ გაჩნდნენ ფეხბურთში ყვითელი და წითელი ბარათები


ახლა ფეხბურთში შემოთავაზებულია მესამე ბარათიც - მწვანე. თუმცა მისი საშუალებით მოთამაშე არც გაფრთხილდება და არც განეძევება, არამედ ეს ბარატი საქებრადაა. ბარატს მიიღებს ის ვინც ჯენტლმენურ საქციელს ჩაიდენს. ექსპერიმენტები უკვე ტარდება. პირველი მწვანე ბარათიანი კი იყო ფეხბურთელი კრისტიან გალანო.

წყარო: http://i-fakt.ru/kak-v-futbole-poyavilis-zheltye-i-krasnye-kartochki/