onlain sesxebi - ყველა

როგორ გავთავისუფლდეთ საგანგაშო ფიქრებისგან

როგორ გავთავისუფლდეთ საგანგაშო ფიქრებისგან


ასეთი ფიქრები არსაიდან არ ჩნდებიან: ამ არაკომფორტულ მდგომარეობას თავად ვქმნით. ვიტანჯებით ფიქრების მოზღვავებისგან და არ შეგვწევს მათი შეჩერების ძალა, შემდეგ კი მთლიანად უსიამოვნო ფიქრებით ვივსებით.
გავიფიქრებთ რაიმეს, შემდეგ ვიმეორებთ:"იქნებ მართლაც მოხდეს..", ვატრიალებთ საკუთარი აპოკალიფსის კადრებს. ამ დროს ორგანიზმისთვის მნიშვნელობა არ აქვს, ნამდვილია ეს აზრი თუ თუ გამოგონილი. როდესაც ნეგატიურ სცენარს წარმოვიგენთ, ჩვენი ჰორმონალური ფონი იცვლება. საბოლოოდ ბრძოლებისა და უკან დახევის დაგეგმვისგან ჰორმონალურ მახეში ვხვდებით და იქიდან ამოსვლა ზედმეტად ძნელი ხდება.
პრობლემების პროგნოზირებისა და მათი სწრაფად გადაწყვეტის უნარი - წინდახედულობის ნიშანია. თუმცა თუ ხვდებით, რომ უკვე ძალიან ბევრჯერ იფიქრეთ ერთსა და იგივეზე და განიცდით სტრესს, ესე იგი უკვე მახეში ხართ და საკუთარ თავს ანადგურებთ. ეს მდგომარეობა ბევრისთვისაა ნაცნობი და სამწუხაროდ მას ნორმად თვლიან. მაგრამ ასეთ სიტუაციასთან შეიძლება და აუცილებლად უნდა იმუშაოთ კიდეც. დახმარება შეუძლიათ მედიტაციას და დამკვირვებლის პრაქტიკას.

უნდა მხვდეთ: მომენტალური რეზულტატი არ იქნება. ეფექტი - ეს არის წვერო პირამიდისა, რომელსაც ასეთი პრაქტიკის საშუალებით ვაშენებთ. ეს არ არის ტაბლეტი, არამედ ეს არის კუნთი, რომელიც უნდა ავარჯიშოთ.
როგორც სპორტდარბაზში სიარულს მოაქვს მოსალოდნელი რეზულტატი, ასევე ეს პრაქტიკაც უფრო დაცულს გაგხდით ფსიქოლოგიურ პლანში.
გარდაამისა, ჩვენ მიჩვეულები ვართ გარკვეულ ქცევასა და ფიქრს. ეს ნიშნავს იმას, რომ საჭიროა დიდი ნებისყოფა, რათა შეგრძნება შევიცვალოთ. და მაინც, მედიტაციითა და დამკვირვებლის პრაქტიკით საკამოდ სწრაფად მიაღწევთ მოსალოდნელ შედეგს: რეგულარული ვარჯიშისა და კარგი ნებისყოფის პირობებში შედეგი 2-3 კვირის შემდეგ შესამჩნევი ხდება.

მედიტაცია
მედიტაციის დროს, მნიშვნელოვანია მაქსიმალურად მოეშვათ. დამატებითი ყურადღება დაუთმეთ ყბისა და ენის მოშვებას, რომლებიც "მენტალურ ლაქლაქში" არიან ჩართულნი. აუცილებლად თვალყური ადევნეთ სუნთქვას მთელი პრაქტიკის განმავლობაში.

1. დღის განმავლობაში
ანაპანის წუთიერი საბაზო მედიტაცია აუცილებლად უნდა შეურიოთ თქვენს ყოველდღიურ ცხოვრებაში. ეს პრაქტიკა გახელილი თვალებით უნდა განახორციელოთ სეირნობისას ან ტრანსპორტში დღეში 5-6 - ჯერ. უბრალოდ დააკვირდით, როგორ შედის ჰაერი ფილტვებში და იქიდან როგორ გამოდის. თუ ფიქრები გაგიტაცებენ, ისევ დაკვირვებას დაუბრუნდით. ჩაისუნთქეთ-ამოისუნთქეთ, ჩაისუნთქეთ-ამოისუნთქეთ.

2. ძილის წინ ან სტრესის მომენტებში
განცალკევდით და მთლიანად პროცესს შეჰყევით. ჩაისუნთქეთ 4 წამის განმავლობაში, შემდეგ შეისვენეთ 7 წამის განმავლობაში, შემდეგ ამოისუნთქეთ 8 წამის განმავლობაში და ასე შემდეგ. საჭიროა მინიმუმ 10 ციკლის გამეორება, ოპტიმალურია - 10 წუთის განმავლობაში.

დამკვირვებლის პრაქტიკა
ამ დროს უნდა გამოხვიდეთ საკუთარი თავიდან და ყველაფერს გვერდიდად დააკვირდეთ. უნდა აირჩიოთ მოსახერხებელი პოზა, დამშვიდდეთ, ჩაისუნთქოთ ღრმად და ამოისუნთქოთ. შემდეგ დააკვირდით იმას, თუ როგორ ჩნდებიან და ქრებიან ფიქრები. ნუ ჩაერევით, უბრალოდ უყურეტ, როგორ ხდება ეს ყველაფერი - იყავით მაყურებელი.
დამკვირვებლის მდგომარეობა - ეს არის საკუთარი მდგომარეობის შესწავლა, საკუთარი თავის ემოციებისგან გამოყოფა. როდესაც გაყოფთ დამკვირვებელს (საკუთარ თავს) და დაკვირვების ობიექტს: ემოციები და მდგომარეობა სრულიად დაკარგავენ თქვენზე კონტროლს.
თქვენ შეძლებთ სიტუაციის შესწავლას, ეს მდგომარეობა დაგეხმარებათ სტრესის უმტკივნეულოდ გადატანაში და ემოციების გარეშე შეძლებთ გადაწყვეტილებების მიღებას.
და საბოლოოდ თქვენ იწყებთ ახალი დეტალებისა და ფერების დანახვას, სამყარო იწყებს გაცოცხლებას, სტერეოტიპები ინგრევიან და თქვენ რეალური ცხოვრების დანახვა შეგიძლიათ.

წყარო: http://www.psychologies.ru/standpoint/kak-izbavitsya-ot-trevojnyih-myisley/